ايه هى مشاكل الزواج فى بيت عائلة؟؟؟ ارجو الرد الله يوفقكم

حسب الموجودين بالبيت
هل هم الام والاب فقط

ام معهم ذكور اولاد كبار

والا صغار

هل فيه بنات

على العموم كل شيء يهون الا يكون فيه اولاد ذكور اكبر من 15 سنة

بصراحة مقدرش افيدك لانى متزوجة بدون بيت عائلة

حبيبتي
اذا بينك وبين اهله تفاهم ان شاء مايكون فيه مشااكل
اما اذا فيه عدم تفاهم وفيه اولاد شباب
يمكن تواجدين صعوبه شوي

حبيبتى فى حالة عدم وجود تفاهم هتلاقى كل حاجة صعبة و المشاكل بتزيد يوم بعد يوم
مثلا لو انتى مش بتحبى مامته او بباه مش هتقدرى تخدميهم و هتزهقى من طلباتهم
و كمان مش هتخدى حريتك فى حجات كتير اكيد انتى فاهمة قصدى ايه
و يا سلام بئة لو هو ليه اخوات متجوزين و عندهم عيال صغيرة لما يجو يزورو جدتهم هيبهدلو الشقة و عفشك الجديد
و غير بئة رايحة فين و جاية منين
بس بحب افكرك ده فى عدم وجود تفاهم

بصى ياقمر اهم حاجه يكون فى توافق بينك وبينهم بعد الجواز
سيبك من قبل الجواز لان الناس مش بتبان ع حقيقتها الا بالعشرة
وخديها نصيحه منى بما انى فى مثل ظروفك خليكى فى حالك سلام سلام
متختلطيش بحد الزيارات تكون فى المناسبات عادى بس حاولى تعملى حدود من الاول عشان متتعبيش
واهم حاجه انك انتى وجوزك تكونوا متفقين ع الوضع اللى هيناسبكم فى شكل العلاقه باهله
واهم حاجه تكونى ودوده وحبوبه مع الكل ولسانك ميطلعش منه غير كل خير عشان تكونى محبوبه من الجميع
وربنا يهدى سرك ويهديلك العاصى

يا حبيبتي ما دام مش حتأعدي معاهم في نفس البيت بقا حتشغلي نفسك ليه انتي حتكوني وحدك مع جوزك ف بيتكم يعني انشاء الله ما فيش مشكل بس اني حاولي تحبيهم و كوني متفهمة معاهم و عاملي حماتك زي امك و شوفيها ي مان حتحطك فوق راسها و لما زوجك يشوف معاملتك لاهله خاصة لامه حيحبك اكتر و يشيلك ف عينيه و بتمنا لك السعاة و سمحو ليا اذا طولت فالكلام

ام اروى بحيكى جدا جدا على الرد العقلانى وانا معاكى طبعا فى رايك
المعاملة الطيبة واجبه على الزوجة لاهل الزوج
وطالما فى شقة منفصلة يبقى خير وربنا ميجبش مشاكل
وعموما المشاكل اغلبيتهم بتكون فى رفض الزوجة لخدمة حماتها
فحاولى تكونى متفهمة وعقلانية وحبوبة
وصدقينى اذا عملتيها زى والدتك هتحطك على راسها

ياريت متحرمناش منك يا ام اروى ولا من كلماتك العقلانية

تقبلوا مرورى

حبيبتي
الموضوع يعتمد على تفكيرك
لو انتي حتاخدي كل حاجة على محمل سيء و ان اللي حصل ده متعمد يبقى حتتعبي
لو بتاخدي اللي حصل بحسن نية يبقى الدنيا حتعدي
لازم تعرفي ان انتم من بيوت مختلفة و التربية مختلفة اللي انتي بتقبليه ممكن يكون اهل جوزك مش بيقبلوه و اللي هم بيقبلوه انتي ممكن تكوني مش بتقبليه
يعني لازم تدي لنفسك فرصة علشان تفهمي اللي قدامك دول و هم يفهموكي و بعد كدة الدنيا حتكون بخير ان شاء الله
انما لو انتي متوقعة الشر حتبقي متحفزة و حتشوفي الشر في اي حاجة حتى لو بالغلط و ساعتها حتكوني تعيسة
اهل الزوج طبيعي انهم بيكونوا بيقدموا ابنهم عليكي و ده طبيعي بس بعد فترة لما تبقي منهم حتبقى الامور تمام
و خليكي بعيدة تماما عن الشباب من اهل جوزك علشان دول ممكن يقلبوا الحياة غم لو حد اساء الفهم و خلي كلامك قليل في ما يخص بيتك ساعتها حتعلي في نظرهم
انا حماتي دلوقتي هي اللي بتدافع عندي لو جوزي زعل معايا لدرجة انه بيقولها هو مين اللي ابنك بس ده مجاش من فراغ الموضوع اخد وقته
انا مش عايشة في بيت عيلة بس شفت ناس كتيرة عايشة في بيت عيلة و سعيدة
يا رب اكون افدتك

نصيحتي بعد تجربة.....
حتى لو كنت في نفس العمارة بشقة منفصلة رح تعاني كتييييييييير
لانه الغيرة رح تبدأ....
رايحييين فييين
بكفي مصاريف....
مراتك بالبيت؟؟
ما شفنهاش اليوم؟؟؟؟
رايحة عند امك؟؟ مش رحت قبل يوميين؟؟
و اذا كنت بتشتغلي موظفة؟؟ انتو اغنياء و معاكوا فلوس
و غيرة بنت الحماية
و هو ضايع بين امه و زوجته.... و انت مهما عملتي حتفضلي بنظرهم "زوجة الابن"
و التفاهم ما بيبانش الا بعد الجواز بسنة عالاقل........فترة الخطبة مش مقياس للتفاهم
انا مش عاوزة اقطع نصيبك...... دي تجربتي اما انك تستخيري و اما انك تتجوزي واحد مقطوع من شجرة!!!!

كلاك صح ياكارولينا
فعلا ده اللى بيحصل
لو بتشتغل مش هيعجب حماتك وهتفضل تقول احنا مش محتاجين لشغلها وخصوصا لما يعدى كام يوم وماشفتكيش هتبقى حكايات
وهتبقى وحشة وافضل حاجة طبعا ان الست تستقل هى وجوزها بعيد عن اهلها واهل جوزها
فلو انتى تقدرى انك تعدى عليها يوميا ومش هتزهقى لو طلبت منك طلبات
يبقى ربنا يوفقك
صحيح فى حموات طيبن بس دول نادرين جدااااااااااا
ومهما كانت طيبة لو معدتيش عليها ومقعدتيش عندها شوية هتضايق