اى مكان بروحه بلاقى فيه عريس الله الله على الحلاوة والجمال

ازيكم يازهرات يارب تكونوا بخير

بصوا انا عندى مشكلة او حلم مجننى
انا نفسى اتخطب واتجوز
وبقيت مجنونة ومهوسة بالحكاية دى
كل مااشوف واحد اتخيل انى هرتبط بيه وانى هحبه ويخطبنى ونتجوز واتخيله معايا فى الحياة بيقولى اعملى ده ومتعمليش ده
واتخيل كمان اننا زعلانين وبنتصالح وبتخيل الحياة العادية بين اى اتنين
وبتخيل لو مثلا فيه حاجة مش عجبانى ازاى بغيرها




الله الله وياسلام على الاحلام الجميلة الحلوة
دى بجد مشكلتى وهو كل ده اللى فى دماغى
لو روحت مثلا النادى ابقى متخيله انى هلاقى حد هناك ولو اتعزمت فى فرح ببقى حاطة فى دماغى انى هعجب بحد ويطلبنى



وانى خلاص هتخطب وابقى عروسة حلوة وبفستان ياسلام




وهكذا فى اى مشوار بروحه وطبعا لما بروح ومبيحصلش

وببقى كده بالظبط




قولوا لى ازاى اشيل الافكار دى من دماغى واسبها على الله ومحطش فى دماغى ان اى مكان اروحه الاقى فيه عريس واعيش واحلم والف قصص ولا الف ليلية وليلة
قولوا لى اى حاجة ترجعنى عن اللى فى دماغى وتخلينى انسانة عادية زى باقى الناس
وادعولى انى اتجوز بسرعة علشانابطل احلم