أراء المصرين عن الحادث(مسلم+مسيحى)

(++ربنا موجود:وجود الله ليس فى الكنائس التى تدمر ولكنه فى قلوبنا وان اسطتعم تدمير الكنائس فلن تسطتيعوا تدمير قلوبنا
++الله محبه: المحبه تطرح الخوف والكره و……. و………..و…………… جــــــــانــــــــــبـــــــا ً
++يا ابتاه اغفر لهم لانهم لايعلمون ماذا يفعلون……………………..++كل الاشياء تعمل معا للخيرللذين يحبون الله+++++)
---------------------------------
منكم للة ربنا مش هيسبكم ولعلمكم الى ماتو دول شهداء والمكان اللى راحو
احسن بكتير من جهنم اللى احنا عايشين فيها ومش عارفين ناخد لا حق ولا باطل
معاكم بس ربنا مش هيسيب ولادو


-----------
مشعارف ابدا ازاى ولا من اى حادثة كل الى لازم تعرفوه انا ربنا اقوى ولو حد ظلم هيجى عليه اليوم اكيد بس ساعتها هيكون اصعب بكتير كل تفجير بيحدث تطلعوا كلام وتفتوا مرة واحد مجنون ومرة حادثة اغتصاب والمرة دى ملقتوش حاجه قولتوا موساد كفايه بقى احنا قرفنا وتعبنا مشمكسوفين على نفسكم تقولوا كدا وكل الى تقدروا عليه احنا نسيج واحد والمسيحى اخ للمسلم كلام بتسمعوا وتهربوا من مشاعركم الحقيقة وهى الكره ..
انا بسال اشمعنا الكنيسه الى بتتدمر والمسيحين الى بيموتوا والمساجد والمسلمين لا لا فعلا سبب مقنع انهم الموساد فوقوا بقى وكفايه كدب وهروب من مواجه انفسكم احنا لوسكتنا ربنا مشهيسكت وهيجى اليوم الى نشوف حققونا بتجاب
********
احنا مش ها نقول غير ++ربنا موجود++ مش حرام يكسرو فرحتنا ليه كدا حتي احنا اديما في حالنا عمرنا ما ازينا حد فيكم ليه حرام عليكم ضميركم راح فين بس حرام والهي اعتبر يا اخي الي حصل ده حصل مع اخوك ولا ابوك ولا اي حدا من قريبك يا تري ها تسكت وياريت ترد علي
***********




*************
لمرة اللى فاتت قالو المجرم مختل وطلعوه براءة وكان نفسهم يصرفوله مكافاة على اللى عمله والكنائس بيطلعوا عنينا عشان نقدر نبنيهاواضح ان فيه محبه بين المسلمين والمسحين وامن الدوله ممنوع يتعين فيه ظابط مسيحى ولو الاول ع الدفعه مسيحى ممنوع يتعين معيد ياخدوا التانى على طول زى محصل مع مجدى يعقوب وزى ماخدوا احمد زويل معيد مع انه التانى ع الدفعة عشان الاول كان مسيحى فى اسكندريه بردة بلد الارهاب.انا عن نفسي نفسي اى دوله مسيحيه تاخدنا كلنا مسيحين مصر نعيش فيها ونحس شويه بالامان.بدل الارهاب وخطف بناتنا .يارب ساعدنا واحكم انت .احكم انت يارب فى كل الظالمين

************
انا بشكر كل انسان اي ان كان دينه لانه بالاعمال اللي بتحصل دي بتقربنا اكتر من الهنا كل اللي اقدر اقوله( ابواب الجحيم لن تقوي عليها ) وانا ببارك لكل اخواتي الشهداء بقولهم مبروك عليكم السما وهنيئا لكم بالعشرة مع المسيح وعزائي لاسر الشهداء وانا بشكر كل المسلمين اللي قلوبهم معانا _(اذكرنا يارب متي جئنا في ملكوتك)
************

ربنا موجود وسامع وعارف وهو اللي هيتصرف. انا بشكر كل الاحباء المسلمين لمشاعرهم الطيبه “تأتي ساعه يظن فيها من يقتلكم انه يقدم خدمه لله”

********

اكيد ربنا مش هسيبي الظالم كده مهما كان مين هو ومهما كانت سلتطه لا تعلو الي الله خالق البشر ارجو ن الحكومه البحث عن مرتكب الحادث…………………. وعقوبه مرتكب حادث نجع حمادي …………وبعد ذلك عقوبه مرتكب حادث اسكندريه ….يا ريت الحكومه تتصرف قبل ما يحصل مصائب قويه لا يقدر احد عليها بين الناس
************

ان لله وانا اليه راجعون مفيش الا اليهود وحسبنا الله ونعم الوكيل
***********

انا مش بعزي المسحين بس انا كمان بعزي المسلمين
وانا عايزه اقول ان بجد مينفعش انا اللي عمل كده يكون مسلم مفيش دين يقول كده
بجد حرام ايه زنب الناس ديه اذاكان مسلم اومسيحي
-----------
في البدايه اقدم التعازي لضحايا الحادث الاليم ويجب ان يكون هناك وحده قوميه بمعنئ ان يكون الشعب يد واحده يتفق في اللون والجنس بغض النظر عن الجنسيه والديانه اما عنى تفسيري لهذا الحادث فهو من جماعه ارهابيه تقصد به هدفين: الاول:زعزعه امن واستقرار مصر. و الثاني:اثاره الفتنه الطا ئفيه. وفي النهايه ارد علي البعض الذين ينسبون الحادث للمسلمين لا(ان الاسلام دين سلام وتعمير وليس عنف وتدمير)****الاخوه المسيحيين اللي بيتهمو المسلمين بانهم وراء ماحدث.ليه؟بتتهمو المسلمين بكده ليه؟احنا مش في موضع المتهم علشان ندافع عن نفسنا.بس المسلم ده صديقك وزميلك وجارك.تعتقد انه ممكن يعمل معاك كده.او يتمني لك اي سؤ؟حكمو عقولكم وبلاش الافكار السيئه دي.احنا كلنا مصريين.
*********
المسحسين والمسلمين اخوة للابد ومفيش حد حيقدر يقرق بيننا مهما كانت الاسباب وعذائى الى اهل الشهداء مسحين ومسلمين وحسبى الله ونعمل وكيل فى التسبب فى هذا الحادث الاجرامى الشنيع \\\ولا تحسبنا الله غافل عما يعمل الظالمون \\\\الهم اسكن شهداء هذا الحادث فسيح جناتك يارب العالمين وصبر اهلهم وحسبى الله ونعم الوكيل ونعمة المولى ونعمة النصير
***********
الأخوة المسيحيين أحب أن أعرفكم إننا مش محتاجين نقول إن اللي عمل كده مش مسلم
ولو ثبت غير ذلك فإن الإسلام برىء منه لأن الإسلام بتعاليمه وليس بمن يدعون أنهم مسلين وهم لا علاقة لهم بالإسلام من قريب أو بعيد وبعدين عمر ما هيكون فيه فتنه في مصر بين المسلمين والمسيحيين لأنك بمنتهى البساطة بتتعامل مع أكثر من مليون واحد زميلك مسيحي في الشغل والجيران والمنطقه ومفيش أى عداء بيننا فلو كان هناك فتنه ما كنا نستطيع أ، نعيش مع بعض بهذه الطريقة ولكن الله أعلم بولاد الكلاب اللي عيزين يقولوا إن فيه فتنه ويخلقوها في مصر ولو بصينا على اتاريخنا نلاقي إن عمر ما كان فيه مشكله بين المسلمين والمسحيين وأنا ليا أكثر من زميل مسيحيي واطمنت عليهم بعد الحادث فيريت الناس متسؤوش فيها ونلم الدور
***********
عزائى لكل اخواننا المسيحيين واقول ان الاسلام دخل الهند بواسطة تجار مسلمين يعرفون دينهم بحق وينشرونة ليس بالدعوة الية بل باخلاقهم لذا فمن فعل هذا ليس بمسلم بل مجرد اداة للتخريب لذا فانسب ما يطلق عليهم لفظ ارهابيين والارهاب ليس لة دين وسنقف مسيحى ومسلم يد واحدة فى وجة كل من يريدنا عراق اخرى واكرر عزائى
*********
لا أعرف ماذا أقول الا حسبى الله ونعم الوكيل فى الفاعل .وانا لله وانا اليه راجعون
يجب علينا مسلم ومسيحى ان نقف وقفة رجل واحد ضد اى شخص من الداخل او الخارج يحاول أفساد الدولة والبلد ونعمل على أقصاءه خارج حدودها حتى لو كان اى شخص احنا ولاد بلد واحد ومش نقصيين أوجاع وأحزان اللهم أنتقم لنا من الفاعليين يااااااااااااااااارب
***********
بسم الله الرحمن الرحيم
اولا ققدم عزائى لاموات الحادثة ثانيا اكيد دة مش مسلم الى عمل كدة لان رسول الاسلام امرنا ان لا نقتل طفل او عجوز او امراة او حتى نقتلع شجرة ففاعل هذا عاصى لرسول الله ومن عصى رسول الله عصى الله وليس مسلما وكم طفل وامراة وعجوز تاذى من هذا الحادث
السلام عاليكم ورحمة الله وبركاتة
*********
السلام عليكم ورحمه الله وبركاته ومساء الخير لإخواننا المسيحيين
أولا : البقاء لله وتعازينا لكل أقباط ومسلمى مصر ليست فجيعتهم وحدهم بل مصيبتنا كلنا .ثانيا: حسبى الله ونعم الوكيل فى كل من شارك فى هذا العمل الإجرامى اللعين الذى أراق دماء غاليه علينا دماء إخواننا وأحزن أبرياء ليس لهم ذنب فى شىء سوى أنهم كانوا يصلون لله لكى يبارك لهم فى عامهم الجديد ولكننا نحتسبهم شهداء عند ربهم يرزقون .
حسبى الله فى كل من يفكر فى أذيتهم لأننا جميعا مصريين لا توجد تفرقه بيننا ابدا وأرجوا من الله عزوجل أن ينقم من هؤلاء الذين يتربصون لنا ويبقى مصر غاليه امنه نعيش فيها جميعا على قلب رجل واحد سالمين غانمين
.وتعازينا لكل ابناء الكنيسه وللبابا شنوده ولكل اقباط مصر ومسلميها” وإن لله وإن إليه راجعون” صدق الله العظيم
**********
أولا بكل الأسى أنعي أخواننا المسيحيين ، كما أرجو كما قرأت سابقا ألا نتحدث بلغة الجمع في الهجوم على شخص قذر سولت له نفسه هذا الفعل الشنيع ، لسبب واحد بسيط لا توجد ديانة سواء اليهودية أو المسيحية أو الإسلامية تتضمن تشجيع على الإرهاب بل كل الأديان تدعو للتسامح و نبذ الكره ، فالمسلم الحقيقي لا يعرف أذى الغير و كذلك المسيحي و كذلك اليهودي المهم أن يكون متمسكا بدينه و يعرفه تمام المعرفة ، فالشعب المصري في كل المحن لم يفرق بين مسلم و مسيحي ، في حرب أكتوبر كانت المدافع و القنابل لا تفرق بين جندي مسلم و مسيحي ، أرض سيناء التي ارتوت بدماء الشهداء لم تفرق بين مسلم و مسيحي ، و إذا كان هناك قلة قليلة تقوم بأفعال قذرة فهذا لا يعني أنهم يمثلون المسلمين أو يمثلون المسيحيين أو حتى اليهودييين ، هذه القلة القليلة لا تمثل سوى نفسها المريضة فقط ، و أنا شخيصا أغلب أصدقائي و زملائي بالعمل و جيراني من المسيحين و مهما حدث لن تفرق بيننا فتنة تافهة فالود و المحبة و الإخلاص سيظل قائما ، و أقول للفئة القليلة ألا تذكروا قول الله تعالى ( ولتجدن أقربهم مودة للذين آمنوا الذين قالوا إنا نصارى ذلك بأن منهم قسيسين ورهبانا وأنهم لا يستكبرون*) صدق الله العظيم .
إن كنت مسلما حقا فلا تنس مودة رسولنا الكريم للنصارى ، إن مسلما حقا فلا تنس أنه صلوات الله عليه لم يأتمن في مكة سوى عبد الله بن أريقط و كان مسيحيا على رعاية الإبلين اللذين هاجرا بهما هو و سيدنا أبو بكر رضى الله عنه ، و أنت تعلم أخي المسلم ما مدى سرية الهجرة
آسف للإطالة و تغمد الله شهداءنا المسيحيين بالرحمة .
************
السلام عليكم ورحمة الله وبركاته
اننا جميعا فى مصر اخوة ولم نسمع من قبل عن مسلم او عن مسيحى انما كلنا اخوة مصريين نشانا مع وشربنا من نيل واحد واكلنا من خيرات ارض واحدة وليس من المنطقى ان يقوم مسلم مصرى بعمل انفجار كهذا انما ذلك يد اثمة من خارج مصر تسعى لعمل الفتنة بين المسلمين والمسحيين ولكننا كمصريين دائما يد واحدة ولن نسمح بحدوث فتنة او نزاع
وسنبقا دائما سويا والله الموفق
********
مسلم+ مسيحى= اخوه الى الابد
************
السلام عليكم ورحمة الله وبركاته انا محمد من مصر(حسبي الله ونعم الوكيل في فاعل هذا الحادث الشنيع)لو اللي عمل كده مسلم يبقي مجنون ومتخلف عقليأّ رحم الله من مات في هذا الحادث


********
كـــــله يخلى باله دى اعمال الاخوان المسلمين لما الدوله طلعتهم من الانتخابات السنه دى وعارفين اننا داخلين على انتخابات الرئاسه ومعروف ان الاقباط بيحبوا مبارك ضربوا كنيسه الاسكندرية وبعتوا التهديدات علشان يشككوا العالم فى قدرة مبارك على السيطره على بلاده
عايشين فى بلاد الموت كنا بنشوف فلسطين ويصعب علينا المنظر بغض النظر عن المقتولين ونحمد ربنا اننا فى مصر بلد امنه دلوقت كل البلاد ساكناها شياطين اسمهم الاخوان المسلمين
**********


اللي حصل بالسابق وما يحصل الان وما سوف يحصل في المستقبل ماهو الا خطه صهيونيه بحته جذورها في اورشيليم وتشعبت في لبنان وسوريا والعر اق ومصر وستشمل كل دول العرب اذا بقوا يلومون بعضهم البعض ويتجاهلون الفاعل الحقيقي اللذي يرموا الي تحطيم العرب عن طريق الفتنه الكنائس في مصر والعراق منذ زمن بعيد والمسلمين يحترمون هذه الاماكن المقدسه طوال فتره تواجدها ماللذي يجعلهم يغيرون اتجاههم الان عيب الاتهام من غير وجه حق او دليل والمسلمون اخوه لنا ونشكرهم علي مواساتنا وتعزيتنا في مصابنا في اخوانا القديسين
************
حاولو قبل كده يعملو فتنه طائفيه كتير أوي بين المصريين زي ما عملوها العراق بين السنه و الشيعه و زي ما عملوها كمان في فلسطين بين حماس و حزب الله خلو الدنيا بينهم حريقه ونجحو لكن فشلو ا كتير انهم يعملوها في مصر وهيفضلو يفشلو لآخر العمر لأن مصر ربنا حمايها و وخلق ناسها بطريقه يكونو درع ليها سوا كانو من مسلميها أو مسيحييها و عزائي لأخوانا المسيحين و ربنا يصبر أهاليهم و زي ما قالو الارهاب لا له دين ولا وطن بس ملحوظه صغيره كل الارهابين ليهم وطن بس هو بلد الصهاينه و الدول الأجنبيه المعروفه و اللي هي بتساند الصهاينه و كمان ليها مصلحه في كده و الله وأكبر ولا اله الا الله محمد رسول الله ومصر فوق الجميع ومصر للمصرييين وياريت اخواتنا المسيحين ما يسمعوش للقنوات اللي بتحقد علي مصر و شموخها و مكانتها في العالم كله
**********
إلى كل أخ وأخت مسيحي ومسيحية ، كلنا مسلمين ومسحيين في كل محافظات ومدن مصر نستنكر ما حدث ، ونطالب القضاء بإعدام الفاعل في ميدان عام ، ونطلب من ربنا عز وجل أن يصبر أهالي الشهداء.
كما أن من مات في هذه الحادثة الشنيعة هم أقباط ومسلمين مصر على حد سوا ، وكما سمعنا أن أشلاء الجثث لم يتم التعرف من هو المسيحي ومن هو المسلم والكل مات جنبا إلى جنب ووضعت أشلائهم سويا في ملاءة داخل الكنسية في إنتظار الدفن.
هذا يعني أننا مصريين أقباط ومسلمين جنباً إلى جنب حتى بعد موتنا لم يتم تفرقتنا ، ولم يتم التفرقة بين الجندي المجهول في الحرب إذا كان قبطي أم مسلم.
إتحدوا يا أقباط ومسلمين مصر ، العدو هو الغير مصري ، والعدو هو الكافر الذي يريد خراب تاريخنا الذي بيناه سوياً ، نحن أصحاب كتب سماوية وأصحاب أديان ، وأصحاب ثقافات وحضارة يستمد منها العالم كله حتى الآن النور الذي يهديهم الطريق الصواب.
أصمدوا يا أمه قد أنحنت لها الأمم على مدى العصور ، شعب واحد ، ورب واحد.
لك الله يا مصر ، وأولادك الأقباط والمسلمين سنكون على العهد باقيين
*************
انا باقول لاخواتي المسحيين اللي عمل العملة الاجرامية دي مش مسلم حتي لو كان مكتوب في بطاقتة مسلم واول ما بينضم للفكر المريض دة بيكفر ابوة و امة كل الدماء حرام كل اذي علي اي من الاديان حرام وان المسلم ميصبحش مسلم حتي يوءمن باللة و ملائكتة وكتبة و رسلة يعني لو مش بيوءمن بسيدنا موسي و التوراة ومابيوءمنش بسيدنا المسيح و الانجيل وبسيدنا محمد و بالقراءن ما بيصبحش مسلم و لا لة ديانة الا الارهاب قلبي معاكو يا خوتي يا مصريين
***********
ان لله وان اليه راجعون ان الذى حدث هو اعتداء غاشم وليس مسلم او مسيحيى بل هو ليس من ملة المسيحيه والاسلاميه رحم الله شهداء الحادث وارجو من الله ان يتغمدهم بالرحمه والمغفره
***********
ده دايما حال العرب سايبين المشكله الاساسيه وبيردو على بعض وبيتخانقو والله حالنا ما هينصلح الى اما نعرف احنا عايزين ايه
**********
ناسف لكل مسيحيى ولكل من فقد انسان عزيز علية فى يوم العييد اتمنى من الله البرد والسلام والصبر ع قلوبهم ولو كان هذا الحادث فعله مسلم فهو يعتبر لايفقه شىء فى دينه لان فى قرءانا لانقتل نفس بغير حق وهو مدين ولا بد من عقابه لكن لو كان غير مسلم فحسبى الله ونعمة الوكيل ..فيا من كل نفس ع ارض بلدى مصر حافظوا ع وحدتكم .. لان ابتدى العد التنازلى فى دمار وخراب هذة البلد
************
احنا فى مصر اخوات لا فرق بين مسلم و مسيحى ( واقسم بلله اننا بنام فى حجرة واحدة وبنأكل من طبق واحد لاننا فى خدمة وحراسة الوطن وليس لخدمة احد موجدين فى مكان لا يوجد فرق بين جرجس و محمد كلنا فى خدمة مصر لان الدين لله والوطن للجميع ( و خالص عزائنا لآسر الشهداء مسيحى و مسلم
***********
انا مسلم ضدد الارهاب …. الارهابي ليس له دين ربنا يعلم اناحزينه علي الضحايا ده يوم عيد وكل الناس مبسوطه مسلم ومسيحي وربنا يصبر اهالي الضحايا وحسبي الله ونعم الوكيل عشان دي كارثه
**********
من صاحب المصلحه في الفتنه بين المصرين هل هو مصري ام لا وان كان مصريا فاكيد له مصلحه شخصيه وبما وعدوه بالسلطه او بترشيحه في منصب رئيسا للجمهوريه واقنعوه بان هوه ده الحل الوحيد قتل الابرياء وعمل فتن طائفيه لتدخل جهه اجنبيه لمساعدته للحصول علي ترشيحه في هذا المنصب اعتقد ان الامور ابتدت توضح لدي المصريين ولا اقول مسلميين او مسحيين وعلي فكره الشدائد بتجمع المصريين مش بتفرقهم لانهم في رباط الي يوم القيامه ياريت تحسوا علي دمكوا بقي وتعرفوا ان احنا عمرنا ماحنتفرق وكفايه بقي قتل الابرياء ولو عندكم ذره من الشجاعه اظهروا ووجهوا وبلاش الجبن ده عمر المصريين مكانوا جبناء
**********
لا يمكن ان يكون هذا العمل الحقير من صنع ايدى مصريه او اسلاميه ولكن بايدى صهيونيه تريد النيل من الشعب المصرى لانه سيكون الضحيه
*************
ياجماعه فى حاجه اسمها الوحده الوطنيه ومهما حصل فى مصر من افعال ف الظاهر تبان انها من المسلمين والعكس فاحنا المفروض مسلم او مسيحى نكون عارفين وواثقين ان الكلام ده من خارج البلد مش من مسلم او مسيحى
وعمرنا ما بنتكلم على المسيحين بشكل سئ نبينا محمد صلى الله عليه وسلم اوصانا باقباط مصر واوصانا بمن هم ءامنون ولا يسببون اى مشاكل او يقيمون حربا علينا ان نعاملهم معامله حسنه (لا ينهاكم الله عن الذين لم يقاتلوكم ف الدين ولم يخرجوكم من دياركم ان تبروهم وتقسطوا اليهم)
**************
أنا مسلم مصري وأقسم بالله العلي العظيم ومن كل قلبي لعنة الله على من دبر وقام بهذه التفجيرات والمسيحين أخوان لنا أخوان لنا أخوان لنا الله يقطع يد كل من ساهم في هذه التفجيرات والله يكون في عون جميع اخواننا المسيحين في كل مكان ونشاطركم الأحزان يا أقباط مصر يا أهل الخير والمحبة. يارب العالمين أسألك أن تأخذ حق هؤلاء الضحايا وحسبنا الله ونعم الوكيل
**********
ليه كل متحصل حاجه تيجبوها على المسلمين ماحنا من زمان واحنا محمد مع بطرس مع احمد مع هانى ليه متقولوش ان اسرائيل ورا دة دا احنا الله سبحانه وتعالى قال لنا (ولتجدن اقربهم مودة للذين امنوا الذين قالوا انا نصارى ذالك بان منهم قسيسين ورهبانا وانهم لايستكبرون) صدق الله العظيم ورسولنا العظيم وصان بيكم يا اقباط مصر ثم ان من ضمن المصابين مسلمين ومعظمنا كشعب محمد مصاحب منير ونبيل وجرجس عيب عيب علينا كشعب نقدر نسود العالم باتحادنا ندى فرصه لغيرنا انه يقومنا على بعض لكن لا احنا جميعا واحد مسلمين ونصارى وبنحبكم انتم نصفنا الاخر فى البلد وعزائنا لكم وعاش الهلال مع الصليب
************
ياجماعه انا مواطن مصرى وليس من المهم ذكر اليانه لاننا فالاوال والاخر مصريين اقدم اخلص التعازى للمصريين فى حاث الكنيسه القبطيه واقول الحق السبب الاول فى مشكلة العنصريه بين المسيحيين والمسلمين هى الحكومه هى اول من وضع التفرقه بين الشعب واذا نظرنا الى المسلمين و المسيحيين فى صعيد مصر فاننا لا نرى فرق بين مسلم ومسييحى لانهم بمثابة عائله وانا واحد من هذه العائله واله على ما اقول شهيد
*************
من حوالي 10 سنين جادث قطار الصعيد يوم وقفه العيد الاضحي واتحرق اكترمن 500 مسلم والنهارده حادث كنيسه الاسكندريه دا اكبر دليل ان لا مسلمين ولا مسيحين يعملوا كدا حسبنا الله ونعم الوكيل يا جماعه انا اصحابي جورج وبيتر مينا والله انا حزين بجد تعازينا لكل اقباط مصر
**********ا
ن لله وان اليه راجعون
وحسبنا الله ونعم الوكيل فى كل من يزعزع امن بلدى
سيدنا محمد صلى الله عليه وسلم قام لجنازة يهودى احترم ميت يهودى ونحن نحترم كل الاحياء المصريين يقول الله عز وجل: (من قتل نفساً بغير نفسٍ أو فسادٍ في الأرض فكأنما قتل الناس جميعاً) (المائدة: 32)
والله المسيحين عارفين ان دى كله علشان اشعال الفتنة بين المسلمين والمسيحين
قولوا معايا جميعاً مسيحين ومسلمين ( يارب رد كيدهم فى نحورهم واجعل تدربيرهم تدميرهم )
آمييييييييييييييييييييييييييييييييييييييين
************
السلام عليكم ورحمة اللة وبركاتة.لماذا لم تلاحظو زيارة حوالى 500 من اليهود وفدو الى البلد قبل راس السنة بايام ؟ وكام سنة الاخوة المسيحيييين بيحتفلو راس السنة والكريسماس واعيادهم ؟هذة الاسئلة من يعرف اجابتها ؟ لنا اللة نحن المصريين . فى واقعة كنيسة العمرانية كان المسلمون والمسيحيون بجانب واحد ضد الشرطة .رحم اللة من استشهد فى هذا الحادث .سؤال اخر . فى حرب (73) الم ستشهد مسيحى ولا اليهود كانو بيقتلو المسلمييييين بس ؟
************
بسم الله الرحمن الرحيم
عزائى الينا جميعا شعب مصر مسيحى ومسلم الالم اصابنا جميعا بيد الارهاب الغادر
اقسم بالله ان امى فى الرضاعه سيدة مسيحية احبها وابنائها كما احب امى واشقائى تربينا جميعا لافرق بين مسلم ومسيحى ولانعرف معنى هذة الكلمة حتى الان نخرج سويا فى عيد الاقباط ونخرج سويا فى عيد المسلمين لافرق بين عيد عندنا او عندهم نحن فخورين بهم ونحبهم وهم كذلك يارب انتقم من من فعل ذلك واذقة نار الحزن الذى تكوينا جميعا مسلمين ومسيحين واقسم بالله انى اشهد بالحب للمسيحين وياريت الناس متنفعلش ونحقق للارهاب مايريد
الارهاب يريد تقسيم مصر اياكم ان نتحول الى عراق او لبنان اتحدو جميعا مسلمين ومسيحين لنكشف عن الفاعل الذى يريد تمزيق مصر الى طوائف مصر هى المسيحى والمسلم وليس مولد ابو حصيرة ولا القاعدة مصر بلد المسلمين والمسيحين
اقول لاخوانى المسيحين قلبى معكم وهذة مصيبة لنا جميعا مسلم ومسيحى مصيبة وقعت فوق رأس الشعب المصرى الواحد ياريت كل من يتشكك فى اى شخص يبلغ عنة وليتقى الله ليس كل من يحقد على شخص يبلغ عنه اقول للمسيحين والمسلمين اخوة صف واحد المسجد بيت للعبادة والكنيسة بيت للعبادة اعبدو الله جميعا كلا حسب دينة واطفئو نار الفتنة
لعن الله الفتنة ومن ايقظها يارب ياسميع اظهر لنا الحق وانت الحق اظهر لنا وساعدنا على كشف المجرم الحقيقى لهذة الفتنة وانتقم منه من اجل عبادك الصالحين واننى اخيرا اواسى نفسى وكل المصريين مسيحين ومسلمين فى مصابنا الاليم
اللهم احفظ بلدنا من شر الفتن ياحى ياقيوم
امين امين استجب لنا ياالله وانتقم من الفاعلين وانصرنا على القوم الظالمين
***********ا
انا من الاسكندرية وانا موتاكد ان الى عمل التفجير دة مش من مصر لامسلم ولامسيحى الاثنا اخوة
يوم الجمعة 1يناير صباحا اليوم اتت سفينة ركاب عملاقة للاحتفال بالكريسماس الساعة 10صباحا
وان الحكومة لاتفتش الركاب عند نزولهم وعند دخولهم لانهم سائحين ولذالك السفينة بقت لمعاد الاحتفال الساعة12م وقبل المعاد كل السائحين كانو منتشرين فى الاسكندرية وانا واثق ان الذى فعل ذالك هو من داخل السفينة هذا السر لايعرفه احد من رجل الحكومة ولاشعب كله ليس اتت اليه الفكرة هذه وهذا ياحضرات دليل واضح تماما امامكم والسلام عليكم ورحمته الله وبراكاته
***************
اولا اتقدم بخالص العزاء لاخوتي الاقباط واعزي نفسي لاني وان كنت مسلم لكني مصري منهم احزانهم احزاني وافراحهم افراحي فنحن جميعا ابناء هزة الارض الطيبة فمصر ليست وطن نسكنة ولكنة وطن يسكن فينا مش عارف اقول اية لكن ربنا يحمي مصر ويحمي شعبها
************
وفى الأول والآخر
عندما جاءت 73 ماقالوش الحرب بين اليهود والمسلمين أو المسيحيين
ولكن قالوا كانت بين اسرائيل وجمهورية مصر العربية فياريت ياجماعة ناخد بالنا اننا عايشين على أرض واحدة وف وقت الشدة احنا فرد واحد
***********
حسبنا وحسبهم الله ونعم الوكيل فنحن مسلمون ولسنا مجرمون اللهم انت السلام ومنك السلام.
ليه بنفكر بتعصب لو فكرنا هنعرف ان مش مصلحة المسلمون انهم يعملوا جريمة زي دي وكل مسلم له الي بيحبه من المسيحين فنحن معا دائما في عملنا وفي شوارعنا وهم جيراننا انا معظم زميلاتي بالمدرسة كانو مسيحين كانو في رمضان مبيكلوش اثناء الدراسه عشان منجعش وكنا اصحاب الدين ايا كان مسلم اومسيحي فهو محبة واكبر دليل احنا كلنا بنحتفل بعيد راس السنة مش مسيحين بس بيحتفلوا
وكلنا بنهني بعض براس السنة مبنفرقش في اعيادنا واعيادهم وهما بيشاركونا اعيادنا وافراحنا
************
أنا ابعث تعازينا لاخواننا المسيحين واقسم بالله اننا ما بنفرق بين مسلم او مسيحى كلنا اخوات وعمرنا ماحسينا ان فيه اختلاف غير فى الديانه فقط وانا كل تعاملى مع مسيحيين سواء صداقه او تجاره وصدقونى دى محاوله من دوله بتحاول تعمل فتنه طائفيه وياريت نكون ايد واحده مسلم مع مسيحى ونقطع الايد اللى بتحاول تفرق بينا ومش ملاحظين ان اى حادث بيحصل بتختلط فيه دماء المسلمين مع المسيحيين اقول ايه حسبى الله ونعم الوكيل فى اللى بيعمل كده
*********
لا حول ولا قوه الا بالله
هذا الحادث الاجرامى ارجوا من الله انه لا يعكر صفو علاقه اخواننا المسيحيين واخوانهم المسلميين وان نقف جميعا فى وجه الارهاب الذى لا دين له
واعزى اخوانى المصريين المسيحيين فى ضحاياهم وحسبى الله ونعم الوكيل فى اعداء الانسانيه الارهابيين
*********
\{ ويامكروا ويمكر الله والله خير الماكرين } حسبنا الله ونعم الوكيل من فعل هذه الفتنة لا بدان يكون ارهابى ليس له دين طول عمر المسلمين والمسحين اخوةفى العالم العربى لو عايزين تعرفوا مين الفاعل شوفوا مين المستفيد الوحيد من هذه الفتنة[الرب واحد والوطن للجميع]
***************
السلام عليكم ورحمة الله وبركاته اولا احب ان اذكر اخوانى المسلمين بقضية هامة جدا وهى قضية الولاء والبراء فالولاء يكون لله ولرسوله وللمؤمنين والبراء من الكفر واهله ثانيا لا يجوز الترحم على انسان كافر قد هلك ثالثا الدين لله والوطن لله وكل الكون لله رابعا لماذا دائما يوضع الاسلام والمسلمون فى قفص الاتهام؟ خامسا تذكروا اخوانكم فى فلسطين والعراق وافغانستان والبوسنة والهرسك وما لاقوه على ايدى اليهود والنصارى من العذاب الشديد سادسا ابحثوا عن الحق ستجدوه
********
احصائيات قتلي المئه سنه الماضيه تقل
ان المسلمين الذين قتلو علي يد غير المسلمسن(4500000)قتيل بينما عدد غير المسلمين الذين قتلوا من المسلمين(45000) بينما عدد غير المسلمين الذين قتلوا من غير المسلمين(250000000)(ربع بليون انسان) فما حكمكم ؟؟؟؟
********