العضوة ******* مطلوبة فى كرسى الاعتراف

حزينة للابد كتب:فين دودو لو مدخلتش انهاردة بالليل اختارى عضوة تانية ياريناد علشان اللعبة متقفش

انا جيت اهه اهه ميبئاش طبعك حامى يا حزينة

رينادالمتولى كتب:

اتفضلي يا دودو على الكرسي


اول سؤال
اسمك الحقيقي ايه

جوازك عن حب ولا تقليدي

اسمى الحقيقى ريهام

و جوازى بئة و لا حب اوى و لا تقليدى اوى انا كنت راجعة من الكلية و لقيت وانا جاية فى الطريق ولد مشلش عينه من عليا فقعدنا نبص لبعض بعد كدة مشيت و مكنتش اعرف انه مشى ورايا و طلع ورايا لحد البيت و اتفجأت بعديومين جلنا بيتنا و قال لماما عايز اتجوز بنتك

هههههههههههه والله بجد يادودو قصة من قصص الافلام
بس حلوة بنبص لبعض وبعدين الموضوع قلب جواز
ربنا يسعدك ياحبيتى

قوليلى ياقمر ناوية تسمى ايه؟؟
وعاززة مقارنة بسيطة بين الحب قبل وبعد الجواز؟
ولو خيروكى ترجعى للخطوبة تانى هتتمنى ولا مش هتوافقى؟
ذكرى سيئة بعد جوازك نفسك تشطبيها من حيتنك؟؟

انتى فين يادودو يلا بسرعة

غزالة حيرانة كتب:قوليلى ياقمر ناوية تسمى ايه؟؟
وعاززة مقارنة بسيطة بين الحب قبل وبعد الجواز؟
ولو خيروكى ترجعى للخطوبة تانى هتتمنى ولا مش هتوافقى؟
ذكرى سيئة بعد جوازك نفسك تشطبيها من حيتنك؟؟

انا عرفت انى هجيب ولد ناوية اسميه ان شاء الله ياسين

الحب يا غزالة قبل الجواز بيبئى فيه لهفة و شوق كبير اوى لكن بعد الجواز اللهفة و الشوق بيقلوا لكن الحب بيزيد اكتر

لاه لو خيرونى ارجع للخطوبة مش هوافق عشان ايام الخطوبة كنت بشوفه مرة واحدة فى الاسبوع

و الذكرى السيئة اللى بعد الجواز مرة اتخانئت مع جوزى ووقت الخناقة طول اوى و ناس كتير اتدخلت كان نفسى كل ده ميحصلش

ضحكة حزينة كتب:عسل يادودو
ايام الخطوبة كان فى هزار بينك وبين خطيبك ندمانة عليها بعد الجواز؟؟
عمرك الحقيقى كام سنة؟
خايفة من العمر ولالا؟؟
عندك الجرأة تجاوبى على الاسئلة بصراحة؟؟

انتى اللى سكرة يا ضحكة

بصراحة ايام الخطوبة كان فى شوية هزار كدة بس على خفيف يعنى اللى بيحصل ما بين اى اتنين مخطوبين

و انا عندى 20 سنة

و مش خايفة خالص من العمر بيقولوا كل عمر وله حلاوته

انا جاوبتك اهه بكل جرائة يا ضحكة اى خدمة

رينادالمتولى كتب:لما بيحصل بينك وبين جوزك مشكله
بتحلوها ازاي

لما بتكونوا متخاصمين مين اللي بيصالح الاول

ياللا يا ريهام ميتنيينك

لما بيحصل مشكلة كنت فى اول الجواز عبيطة فاكرة انى لما اتمسك برأيى هحلها بس مفيش حاجة بتحل المشكلة غير التفاهم و الهدوء

و لما بنكون متخاصمين لو حاسة انى غلطانة اوى بصالحة

سورى يا زهرات كان نفسى اكمل على الكرسى بس انا هقعد كذا يوم مدخلش

بس عشان موئفش اللعبة هختار العضوة

















غزالة حيرانة

انا جيت يلا مين هتسال

اناااااااااااااااااااااااااا




انتي اسمك الحقيقي ايه يا قمر

مين اكتر عضوه هنا بتحبيها

بتقضي يومك ازااااااااااااااااي

\ مستنيينك
يا قمر على الكرسي

اتفضلي