الملوخيه بالجمبرى ع طريقه(ســــــــــــــــــــاررة)

السلام عليكم
حبيبتى ساررة اسعدنى مرورك بموضوعى وبجد شرفتينى
وكمان اسعدتنى مشاركتك بطريقتك فى عمل الملوخيه بالجمبرى
وعشان كدا انا قلت احطهالك فى موضوع منفصل عشان الكل يستفيد
ومجهودك يحفظ
بجد انا مبسوطه بالتفاعل اللى بينا وربنا يديم المحبه
فى انتظار المزيد منطبخاتك الشهيه ياقمر

[اخواتى هذه اكلة اسكندرانية ويارب تعجبكم

ملوخية بالجمبرى
المقادير
ربع كيلو جمبري صغير
لتر ماء
نصف كيلو ملوخية خضراء طازجة - مغسولة ومخروطة ناعمه او مجمدة زى ماتحبوا
نصف ملعقة صغيرة كمون
ملعقة كبيرة كسبرة ناشفة
بصلة صغيرة وتفرميها
1 فلفل أخضر متوسط الحجم ولو عايزه قرن فلفل حامى ياريت
ملعقة كبيرة ثوم مفروم
1 فص كبير ثوم مقطع
ملعقة كبيرة سمن
ملح - فلفل أسود
الطريقة
تغلى الماء مع الملح والفلفل الأسود والكمون والبصلة مع فص الثوم المقطع.
تضيفى الجمبرى بعد تقشيره وغسله جيدأ إلى الماء المغلي على نار هادئة وتسبيه لمده دقائق لغاية مايستوى.
تضيفى بعد كدا الملوخية المخروطة وتقلبيها كويس حتى تتجانس الملوخية مع الشوربة
وتترك لمدة 5 دقائق على نار هادئة مع التقليب
يفرم الفلفل الأخضر ويهرس مع الثوم . وتقدحى السمن على نار هادئة
وتضيفى إليه الفلفل الأخضر والثوم مع قليل من الفلفل الأسود والملح
مع التحريك المستمر حتى يذبل الثوم ثم يضاف اليه الكسبرة الناشفة مع التقليب لمدة دقيقه
ثم تضيفى الخليط إلى الملوخية وتقلبى الجميع جيدأ على
النار دون أن يغلي لمدة دقيقة واحدة، وبعدين ترفعيه من على النار وتقولى اتفضلوا
وبالهناءوالصحة