حد يقولى اعمل ايه

نفسى حد يقولى اعمل ايه

لو عندى مشكلة وملهاش حل غير الانفصال ليه لو طلبت الانفصال يقولوا عليا انى بهرب من المشاكل ومش قادرة احلها
يعنى احلها بشكل مؤقت وانا عارفة ان عمرها ماتخلص ولا تروح
وهعيش بيها على طول
ماهو اللى بينكسر عمله مابيتصلح
ولابيرجع زى الاول
وبيفضل ضعيف ومكسور وبرضه هيتكسر من اى هزة او ضغط
يبقى ليه استنى لحد اللحظة دى ماتجيجى ماانا لسه فى الاول
حد يقولى لو انا بتكلم غلط

ليه لو اخترت البعد يتقال عنى بهرب وضعيفة لازم اعيش فى حروب وصراعات علشان ابقى واجهت ومش ضعيفة

ياريت تدعولى ربنا يهدينى ويريح قلبى رنى بجد تعبانة قوى وزهقت خلاص

ربنا يسعدك ويريح قلبك
زى ماريرى قالتلك المشكلة فعلا مش واضحة
لكن لو انتى مش عاوزة تتكلمى
فكل اللى اقدر اقوله انتى اكثر واحدة ادرى بنفسك وانتى اللى تقدرى تقررى هينفع تكملى وتستحملى ولالا وسيبك من كلام الناس لان محدش هيحس بيكى اد نفسك
واخر حاجة هقولهالك مفيش حاجة تستاهل لا راجل ولا فلوس ولا صحاب حتى
فكرى فى حل يريحك بدون انانية ولاجرح حد

نسيت اقولك
فيه دعاء حلو قوي ياريت تدعيه لربنا


اللهم اني اعوذبك من العجز والكسل واعوذ بك من الهم والحزن واعوذبك من الجبن والبخل واعوذ بك من غلبه الدين وقهر الرجال

الدعاء دا جمييييييييييييييييييل
ربنا يفك كربك
اللهم اميييييييييييييييييين

فى خلافات الانسان يقدر يتغاضى عنها وممكن تعدى وفى حاجات كبيرة صعب قوى نعيش بيها وسهل اننا نتخلص منها لو فى الاول يعنى لو خطوبة مثلا بدون جواز او اولاد
انا بجد فى حيرة ومش قادرة افيدك يمكن لانى حيرانة اكثر منك وانا نفسى مش عارفة اكمل فى طريقى ولاارجع عنه
بس عاوزة اولك حاولى تستحملى وتصلى استخارة وتطلبى من ربنا يقويكى
يارب فك كربى وريح قلبى وقلبك