حطى نفسك مكانه واقلبى السؤال

ازيك يابناتى واخواتى

دائما بلاقيكم بتسالوا بعض هتعملى ايه لما تقابلى حد جرحك
طيب لو فى ايدك تحذفى جزء من حياتك هتجزفيه ازاى
ودائما موضوعاتكم انكم انجرحتم او ااتظلمتم
طيب تعالوا نحط نفسنا مكان الناس
ونفكر احنا هنعمل ايه لما نقابل الناس اللى احنا جرحناهم او ظلمناهم

هنبص لهم ازاى
هنكلمهم نقول لهم ايه
هنرد عليهم ونبرر افعالنا ازاى
وياترى احنا حسينا بظلمنا ليهم ولاولا على بالكم غير نفسكم وبس
مش هسالكم جرحتم مين ولابايه ولاازاى
لكن عاوزة كل واحدة تقول بصراحة حتى لو بينها وبين نفسها ومعندهاش شجاعة تقولها على العلن لكن بينها وبين نفسها
تفكر الناس اللى جرحتهم او اذتهم او فتشت سرهم او حتى ظلمتهم وجت عليهم
ممكن تكونى نقلتى سر صحبتك
او ظلمتى انسان حبك
او خونتى جوزك او خطيبك
او كدبتى على حد
او دمرتى حياة حد بطيشك واستهتارك
او اذيتى حد فى مشاعره
او فرقتى بين قلبين
وممكن حاجات تانية كثير تكونى عملتيها

ياترى انتم بقى ضميركم مرتاح وبتفكروا فى الناس دى ولامش على بالكم وشكلك ايه بينك وبين نفسك
لسه بتكابرى لاو شوفتيه وهتعاندى برضه ولا ضميرك ممكن يصحى وتحسى انتى عملتى ايه فى غيرك
اعترفى صارحى نفسك
وياريت واحدة تكون عندها الشجاعة انها تقول وصدقونى يابنات انا عاوزة اساعدكم عاوزة اريح قلبكم ويمكن اقدر اساعدكم تصلحوا اللى فات او حتى تكفروا عن ذنبكم او على الاقل ضميركم يرتاح
اللى تحب تقول تتفضل واللىى مش عاوزة ياريت بينك وبين نفسك تراجعى نفسك
صدقونى مش بيهمنى كثر الردود ولاالكلام بيهمنى الكلمات الصادقة