بلييز حل يازهرات

مساء الخير عليكم انا هبتدي الموضوع علي طول عشان مطولش عليكم انا مخطوبه وبحب خطيبي كتيييييييير بس مش عرفه اسعده خالص ديما هوه اللي بيطلب مني الحاجه حتي كلمت بحبك بيطلبها مني انا مشكلتي بتكسف جدا وهوه جريئ جدا احنا الاتنين عكس بعض خالص وكمان هوه عيزني اتكلم معاه في اي حاجه عادي وانا مش عرفه اذا ده كان من حقه اننا نتكلم مع بعض في اي حاجه ولا لاء يعني مثلا هوه بيقولي انتي لما تتكلمي معايا عادي ومتتكسفيش هنبقي واحد انا عايز احس ان مفيش فرق مابيني وبينك او احراج او اي حاجه وكمان لما بيكون بيتكلم بيقعد يقول انا نفسي لما نتجوز اعمل كذا وكذا معاكي مثلا طبعا كلام جرئ جدا وانا مبردش الاني مش عرفه وهوه عادي انه يتكلم كدا وانا اللي محبكاها حبتين ولا اصلا مينفعش يتكلم كدا ومش عرفه ابررله كسوفي ده بايه الاني لما بيحس اني بتكسف منه بيدايق جدا وبيحصل مشاكل وبيقولي انا بقعد اجرئك في الكلام عشان ميبقاش في فرق مبنا لدرجت من كتر انه عاوز يخليني اثق فيه اكتر من كدا كان عايز يكتب الكتاب بس طبعا مينفعش في البيت مش هيرضو وانا مش عرفه اعمل ايه اواخليه يفهمني ازاي او اتعامل معاه ازاي الموضوع ده لو متحلش حياتي بجد هتبقي تعيسه وكلهات خناق ومشاكل

بصى يا قمر فى حجات لازم تبئى جريئة فيها و فى حجات مينفعش خالص الكلام فيها بيبئى فيه حدود لحد هنا و اقف عندك

اللى لازم تبئى جريئة فيه انك تحسسيه انك مختلفة انك حبيبته مش واحد صحبه يعنى قوليله كلام حب ان شاء الله تمثلى او تحفظيه و تكتبيه فى ورقة اتعلمى

هو نفسه يسمع من اللى بيحبها كلمة حلوة

و الكلام اللى مينفعش خالص اكيد الجنس هو ملوش الحق دلوقتى انه يتكلم فيه و لو اتكلم الكلام ده اقفلى فى وشه و اعمليها زعلة و محدش يقدر يقولك انتى غلطانة فى حاجة

بالظبط زى مادودو قالت له مش كل الحاجة تنفع تتكلموا فيها لانه ممكن يكون من نوعية الاشخاص اللى بتختر البنات او خطيبته وممكن لو لقاكى جرئية وبتستجيبى للكلام ده ممكن يسيبك
ومممكن يكون بطبعه شكاك وبيتكلم معاكى عادى ولما يلاقيكى كده يشك فيكى حتى لو ماسبكيش بس هيبقى شاكك
وممكن يكون عادى
بس كل الحالات لازم تعملى لنفسك حدود
وبرضه لازم تقربى منه خطوة خطوة كونى جمبه ومعاه بقلبك وعواطفك وكلامك وحبك وخوفك عليك
وانتى هتلاقى نفسك واحدة واحدة بتاخدى عليه وواحدة هتتجرئى معاه
لكن لو مرة واحدة وفجاة كده اتيرتى معاه 180 درجة هيحس انك كده من الاساس وكنتى بتغشيه وبتضحكى عليه
فانتى ياقمر قربى منه واحدة واحدة فى نفس الوقت اللى هتحطى لنفسك حد واوعى وانتى بتقربى تخبطى فى الحد ده

انا يادودو بالفعل سمعت لي كلامه قبل كدا وهوه بيتكلم في كل حاجه عادي ولما وقفته عند حدودو زعل وبقت مشكله وانا مش عرفه اوقفه عند حده بصي هوه بيتجرء في كلام بس لاكن مش بي فعل وده بيديقني كتير حتي انا قولتله انت عايز تتجوزني عشان كدا زعل جدا وقلي انتي تفتكري اني ده بس اللي عايز اتجوزك عشانه انتي بتشككي في حبي ليكي وقلي هيه ايه المشكله لما اتكلم معاكي واقولك كل اللي انا نفسي احسه معاكي لما نتجوز ياريت حد يرود عليا عشان ده هيتوقف علي حجات كتير

سبيه يزعل لان هو غلطان من فوقه لتحته و هو اللى هيجى يصالحك

قوليله ان الكلام ده قبل كتب الكتاب حرام و كدة ربنا مش هيبارك لنا فى جوازنا

ممكن تقولي اجبهالو ازاي من غير ماحد فينا يزعل وفي نفس الوقت اقنعه بكلامي

هو بيزعل و ملوش الحق انه يزعل المفروض ان هو يصالحك و يقولك معلش مش هتكلم فى الكلام ده تانى سيبيه هيزعل فى الاول و يتضايق و كمان يومين لو هو محترم بجد و يعرف الاصول هيجى يصالحك و مش هيعمل كدة تانى

الراجل بيمثل الزعل بس من جواه بيبقى فرحان ان الاسانة اللى هيرتبط بيها جد وملهاش فى الكلام ده
وحتى لو زعلان بجد لما يفكر فى الكلام هيعرف انك عندك حق ومن جواه هيبقى فرحان بيكى
والكلام ده هتسمعيه منه بعدين
وابسط حاجة تقوليها انا مبحبش اتكلم فى الكلام ده

اهم حاجة تبقى بتتكلمى بترتيب واوعى تتلجى فى الكلام علشان ميحسش انك بتمثلى عليه ويقلق منك

لانك انتى اللى على حق يبقى مش انتى اللى تخافى على زعله لان ملوش حق يزعل اصلا

ولو زعل سبيه ومتفكريش تكلميه والا هيبقى كل ده على الفاضى وممكن كمان يطمع فى الاكثر

سيبك منه كل ماتتمسكى برايك كل مابتكبرى فى نظره اكثر
ولو زعل قيراط انتى ازعلى 10 لانك انتى اللى على حق مش هو
واوعى تخافى على زعله وتدادى وتحيلى فيه لازم تحسسيه بغلطه ماشى ياقمر ومتتردديش واتكلمى يثقة قوى علشان لو حس انك بتتكلمى وكانك حافظة الكلام او محضراه مش هيقلق منك

اعقلها وتوكل