خايفة افرح

انا حزينة ويأسة من كل الدنيا والعالم
ومليش امل الا ان رحمة ربنا تنزل

بجد ياسة ومحبطة وكئيبة ومعنديش امل فى اى حاجة حوليا
كل حلم بحمله عمرى ماحققته كل مااتمنى شىء ينكسر جوايا
ولما ارفض احلم وارمى الاحلام وراء ضهرى واعيش فى عزلة الاقى امل يدق بابى من جيدد وافرح من تانى بالامل وابدء استعيد احلامى على امل انها تتحق ويرجع يطلع امل كداب ونور من سراب ويخذلنى حلمى عشرات المرات
تعبت من فراق كل الناس حوليا وتعبت من احلامى اللى بتتكسر وتنهار وانا مش فاهمة ليه ولا علشان ايه
اعمل ايه بس ياربى
بطلت احلم وعشت لوحدى الاقى الاحلام تجيلى ولما اتعلق بيها قوى تسبنى وانا مفيش فيا حتة سليمة
ولما اتمنى الحلم واستناه يتااخر قوووووووووى عليا وميجيش
بقيت عايشة ومش عايشةة ميته وحية
بتالم على فراش الالم
خايفة لو شفت امل انام لاصحى الاقى الامل بقى ألم
مش عارفة اعمل ايه
حلمى بسيط بيت واسرة وراحة بال متمنتش غيرهم من الدنيا
وكل ما يقرب حلمى يكتمل يرجع تانى يبقى سراب
بقد انا يائسة ومحبطة وفاقدة الامل فى كل حاجة
ومش عارفة اعمل ايه

اصغر منى ومتجوزين وفاتحين بيوت وعندهم ولاد
واوحش منى وواقعين احلى الجوازات
وانا اللى الحمد لله حلوة وراضية يقليلى لا بقول عربية وشقة بالامتار ولا شبكة بالشىء الفلانى وراضية بابسط الاحوال واقل القليل الحظ معاند فيا ومعاكسنى
ومش راسية على بر ابدا
مامشيتش ليا جوازة كلها عقد ومطبات
قربت اشك فى نفسى هتجنن خلاص اعمل ايه ياناس