مليش حد غير ربنا

بصى يا هند من ناحية الشغل في بس اللى يدور وكمان الشغل اللى موجود ليه مميزات وليه عيوب يعنى ممكن تلاقى شغل كويس جدا ومناسب بس بعيد عنك او مثلا شغل قريب بس المكان مش كويس او مش مناسب
لكن انتى المشكلة عندك انك مش لاقية شغل ولا اهلك مش حابين تشتغلى ... لازم تعرفى علشان تعرفى تحلى

الحاجة التانية فكرة ان الملل تعبك وانا عارفه والله ومجربة بس حاولى تخرجى مثلا مع اصحابك ولا دى اهلك بيرفضوها
او حاولى تشتركى فى جمعيات خيرية وتطوعي فيها
او تعملى حاجة بتحبيها فى البيت
لو بتشتركى فى النت وعلى المواقع الاجتماعية زى الفيس بوك وغيرها ممكن تشغلى وقتك بحاجة مفيدة عليه انك تعملى مثلا جروب او صفحة وتنزلى حاجات علمية مفيدة ( علمية مش معناها علوم يعنى ) اقصد حاجات فيها استفادة ليهم او مواضيع دينية ( طبعا الصحيحة ) وبكدة هتحسى انك بتأخذى ثواب على دة وبتسلى نفسك كمان

او لو ليكى هواية زى ما قلتلك

ورغم انى عارفه ان كل دة بارضو لما تعمليه هتلاقى نفسك مش معقول هتكررى كل دة فى كل يوم

لكن لو بتحبى القراية يا ريت تقرأي واكيد اول حاجة القرآن لأنه أفضل الكتب ... وكمان القراية العامة مفيدة جدًا وهتخليكى تكبرى اكتر من عمرك شوفى مجال بتحبيه وأقرأي فيه