الدنيا بقت غابة

نفسى حد يقولى ليه مبقاش فى امان لاصاحبة ولااخت ولا زوج
الزوج بيخون ولا بيهمه بناته ولا مراته ولا هيجرحها او لا
والصاحبة بقت بتبيع صحبتها فى اقرب فرصة وياريت علشان حاجة عدلة لكن علشان حاجة متسواش ولا ليها لازمة
والاخت كمان بقى كل اللى همها ميراثها كاتم هتاخد ايه ولا فى صلة رحم ولا حب ولا اخلاص
انا تعبانة قوى فوق ماتتصوروا ومليش حد غير ربنا اشكيله وانتم اقرب حد ليا فى الناس
قلت احكيلمك افضفض مش عاوزة غير اطلع اللى جوايا علشان خلاص قربت انفجر من اللى انا فيه
والالم والحسرة اللى جوايا
زعلانة على العمر اللى ضاع فى صحبة ناس ولا تسوى والحبايب اللى مش حبايب
والقرايب اللى بيعاملونى ولاالاغراب
ليه بقينا عايشين كده وجاه علينا الوقت اللى كله فيه بالورقة والالم وبالجنيه والعملة
معاكى فلوس تبقى صاحبة وحبيبة الكل معكيش يبقى خلاص هيتقالك شكرا صحبتك متلزمناش



حتى المشاعر كلها بقت مزيفة اللى بتضحك لك عاوزة منك حاجة او بتديكى امان علشان تضربك بعزم مافيها من ظهرك
مش عارفة اقول ايه غير يارب ارحمنى وريحنى
يمكن محكتش عن مشلكتى لكن فضفضت شوية وطلعت حبة من اللى على قلبى
اللى عاوزة تدعيلى اكون شاكرة ليها واللى مش عاروزة كفاية انها قرات مشكلتى

انا بلاحظ كده لما بتتعامعل مع الناس من بعيد نسال عن بعض ونسلم من بعيد لبعيد
بنبقى بنححب بعض قوى وشايفينهم وشايفنا كويسين
واول مابنقرب بنلاقى عيوب ومشاكل وخلافات والصورة بتتعكس واحدة واحدة لحد مانوصل لمرحلة وحشة قووووووووووى
ربنا يرحمنا انا قررت اعزل نفسى عن الناس وابقى اشوفهم من بعيد لبعيد مع انها مش حياة لكن هعمل ايه مفيش غير كده