حان الوقت للاعتراف بالخطا والتقصير

السلام عليكم ورحمة الله وبركاته

كل سنة وانتم بخير وعيد سعيد يارب عليكم

الحقيقة انا زى اى واحدة بتفرح وتحزن

يتفرح لما بتحصل حاجة هى عايزاها وبتحزن لما بتحصل اى حاجة مش متوقعاها

طبعا ده العادى اللى بيبحصل لكل حد

والامور بتعدى عادى خالص كان مفيش حاجة

لكن الغريب ان بيحصل حاجة كثير مننا مش بياخد باله منها
هى شكر ربنا سبحانه وتعالى

انا زمان وبعترف بالخطا ده
كنت لما بتحصلى حاجة وحشة اقول ليه كهد بس يارب انا عملت ايه علشان يحصلى كده
ولما يحصلى حاجة كويسة او ربنا يبعد عنى شر بفرح وممكن الامر يعدى عليا عادى
من غير مااقول شكر ولاالحمد لله ربنا
لحد من فترة قريبه
فقت
وسالت نفسى انا ليه كده
ليه لما ربنا بيبعد عنى حاجة وحشة ويحمينى من شرور كثير مش بقوله الحمد لله ولو مرة واحدة
زى مابزعل قوى واقوله ليه كده لما بكون حزينة من حاجة
عرفت انى بجد مقصرة وانانية
ومن الوقت ده وانا هشكر ربنا على اى لحظة حلوة او ضحكة ولو صغيرة
او اى دعاء مستجاب ليا

اللهم لك الحمد والشكر

وياريت بجد كلنا نشكر ربنا ونفتكره دائما ومننساش الواجب اللى علينا فى اوقات فرحنا
وبلاش علاقتنا بالله تبقى فى الاحزان والمصائب بس
ياريت ىنفتكر ربنا فى الرخاء علشان يقف جمبنا فى الشدة
وياريت كلنا نحمد ربنا ونستغفره

وعيد سعيد عليكم