السلام عليكم ورحمة الله وبركاته
كان يامكان ياسعد يااكرام ولايحلى الكلام الا بذكر النبى عليه الصلاة وافضل
كان فى راجل عنده ولدين
واحد اسمه حسن وواحد اسمه حسين
مات الراجل وترك الميراث لحسن وحسين
حسين اخد ارض ابوه واشتغل فيها وزعها وكسب
اما حسن بنى قصر على الارض واشترى افخم الملابس والمجوهرات والاكل وبعت لاحسن الشعراء علشان يهتفوا باسمه وضيع فلوسه كلها على العزائم والولائم
وبعد مافلوسه خلصت بدء يبيع عفش البيت والملابس والمجوهرات
لحد ما باع كل حاجة
ففكر يروح المخزن بتاع اخوه حسين وياخد منه
ولما راح شاف راجل كبير ضخم جوه المخزن ساله انت مين قاله انا حظ اخو حسين
وصاحى احرص ماله وشغله وكل ما يشتغل انا احرصه اكثر
فقاله حسن طيب انا حظى فين
قاله انت حظك نايم فى الجبل الشرقى روح واساله
فقرر حسن انه يسافر للجبل الشرقى ويسال حظه هو ليه معندوش حظ واخوه حظه صاحى وجمبه
وهو ماشى فى الطريق قابله اسد الاسد كان جعان
وكان هياكل حسن فحسن قاله انا هحكيلك حكايتى الاول قاله احكى
فحكى له حكايته وقاله انا رايح لحظى وهساله ليه نايم وسايبنى
راح الاسد قاله هسيبك تروح بشرط تسال الحظ انا ليه على طول جعان ومش بشبع
قال حاضر هساله
وبعدين كمل فى طريقه لحد ماقابل فلاح طيب
الفلاح سال حسن انت غريب وشكلك جعان حسن قاله ايوة جعان
راح الفلاح جاب اكل لحسن
وساله عن حكايته فحكى حسن حكايته للفلاح
عرض الفلاح على حسن انه يزرع ارض الفلاح ويقسم المحصول بالنصف بينهم
رفض حسن وقاله انا رايح لحظى
فطلب الفلاح من حسن يسال حظه هو ليه ارضه مش بتطلع ثمار
وافق حسن وكمل طريقه
وبعدين وصل لبلد جديدة بيحكمها ملك كريم
وقابل حراس هذا الملك واخبره بان الملك امر باكرام واطعام اى حد غريب يمر بالبلد
فاخدو حسن اكلوا واطعموا واعطوه ملابس
وقابل الملك شخصيا
فقاله الملك لو تحب تطلب اى حاجة قبل ماتمشى اطلب ولو تحب تعيش معانا عيش وهنوفر لك كل اللى تطلبه
رفض حسن واخبر الملك بانه هيقابل حظه
فاعطى الملك لحسن كل اللوازم اللى هيحتاجها خلال رحلة سفره
وطلب من حسن يسال الحظ ليه الشعب مش بيحبه
وافق حسن
واخيرا وصل حسن للجبل الشرقى
وخبط على الباب
لقى حظه نايم
صحى حسن الحظ وقاله انت سايبنى كل السنين دى ونايم
وحظ اخويا حسين صاحى ليل ونهار
قاله الحظ المهم العمل العمل افضل من الحظ
لان من زرع يجنى لكن الحظ بيروح ويجى
حسن قال للحظ انا عندى شوية اسئلة وعاوزة تجوبنى عليهم
وجاوب الحظ حسن على اسئلته وقاله انت هتبقى محظوظ جدا
خرج حسن مبسوط من عند الحظ
وراح على الملك وقاله انه قابل الحظ فساله الملك ليه الشعب مبيحبنيش
رد حسن وقاله لانهم عارفين انك ملكة مش ملك
والشعب موافق انك تحكمى البلد بس على طبيعتك من غير ماتعملى نفسك ملك
فقلعت الملكة ملابس الملك وقلعت التاج
وعرضت على حسن يبقى فى البلد ويمسك الحكم معاها
رفض حسن وقال لها انا هبقى محظوظ خلاص وهرجع بلدى وهشوف حياتى هناك
ومشى حسن
ووصل للفلاح
فساله الفلاح سالت الحظ ليه ارضى مش بتطلع ثمار
قاله حسن فى كنز تحت الارض طلع الكنز الاول وبعدين الارض هتطلع ثمار
فعرض الفلاح على حسن يدور على الكنز معاه ويقسم الكنز بالنصف بينهم
رفض حسن وقاله انت بتدور على كنز واحد
انا عندى كنوز كثير فى البلد هروح ادور عليها
واخيرا وصل حسن للاسد
فساله الاسد سالت الحظ انا ليه مش بشبع
قاله لازم تاكل واحد بيضيع فرص كثير علشان تشبع
فقاله الاسد طيب تعالى نفكر سوا
انت ضيعت ارض ابوك
ورفض تقاسم الملكة فى حكم البلاد
ورفض تقاسم الفلاح فى الكنز
يعنى انت مستهتر ومبتعرفش تاخد قرارات ايجابية
يبقى انت الشخص المقصود ولازم اكلك
خاف حسن وهحاول يهرب ويجرى
لكن خلاص فات الاوان
يارب القصة تكون عجبتكم
وياريت كل واحدة تقولى ايه الدرس اللى استفدته من القصة
انا استفدت ان عصفور فى الايد ولا عشرة على الشجر
يعنى كان فى ايده حكم البلاد وفى ايده الكنز لكن هو قرر لسه يدور على حاجة مش مضمونة واعتمد على الحظ مش العمل
مستنية رايكم فى القصة والدروس المستفادة
ولو عجبتكم متنسوش التقيم
كان يامكان ياسعد يااكرام ولايحلى الكلام الا بذكر النبى عليه الصلاة وافضل
كان فى راجل عنده ولدين
واحد اسمه حسن وواحد اسمه حسين
مات الراجل وترك الميراث لحسن وحسين
حسين اخد ارض ابوه واشتغل فيها وزعها وكسب
اما حسن بنى قصر على الارض واشترى افخم الملابس والمجوهرات والاكل وبعت لاحسن الشعراء علشان يهتفوا باسمه وضيع فلوسه كلها على العزائم والولائم
وبعد مافلوسه خلصت بدء يبيع عفش البيت والملابس والمجوهرات
لحد ما باع كل حاجة
ففكر يروح المخزن بتاع اخوه حسين وياخد منه
ولما راح شاف راجل كبير ضخم جوه المخزن ساله انت مين قاله انا حظ اخو حسين
وصاحى احرص ماله وشغله وكل ما يشتغل انا احرصه اكثر
فقاله حسن طيب انا حظى فين
قاله انت حظك نايم فى الجبل الشرقى روح واساله
فقرر حسن انه يسافر للجبل الشرقى ويسال حظه هو ليه معندوش حظ واخوه حظه صاحى وجمبه
وهو ماشى فى الطريق قابله اسد الاسد كان جعان
وكان هياكل حسن فحسن قاله انا هحكيلك حكايتى الاول قاله احكى
فحكى له حكايته وقاله انا رايح لحظى وهساله ليه نايم وسايبنى
راح الاسد قاله هسيبك تروح بشرط تسال الحظ انا ليه على طول جعان ومش بشبع
قال حاضر هساله
وبعدين كمل فى طريقه لحد ماقابل فلاح طيب
الفلاح سال حسن انت غريب وشكلك جعان حسن قاله ايوة جعان
راح الفلاح جاب اكل لحسن
وساله عن حكايته فحكى حسن حكايته للفلاح
عرض الفلاح على حسن انه يزرع ارض الفلاح ويقسم المحصول بالنصف بينهم
رفض حسن وقاله انا رايح لحظى
فطلب الفلاح من حسن يسال حظه هو ليه ارضه مش بتطلع ثمار
وافق حسن وكمل طريقه
وبعدين وصل لبلد جديدة بيحكمها ملك كريم
وقابل حراس هذا الملك واخبره بان الملك امر باكرام واطعام اى حد غريب يمر بالبلد
فاخدو حسن اكلوا واطعموا واعطوه ملابس
وقابل الملك شخصيا
فقاله الملك لو تحب تطلب اى حاجة قبل ماتمشى اطلب ولو تحب تعيش معانا عيش وهنوفر لك كل اللى تطلبه
رفض حسن واخبر الملك بانه هيقابل حظه
فاعطى الملك لحسن كل اللوازم اللى هيحتاجها خلال رحلة سفره
وطلب من حسن يسال الحظ ليه الشعب مش بيحبه
وافق حسن
واخيرا وصل حسن للجبل الشرقى
وخبط على الباب
لقى حظه نايم
صحى حسن الحظ وقاله انت سايبنى كل السنين دى ونايم
وحظ اخويا حسين صاحى ليل ونهار
قاله الحظ المهم العمل العمل افضل من الحظ
لان من زرع يجنى لكن الحظ بيروح ويجى
حسن قال للحظ انا عندى شوية اسئلة وعاوزة تجوبنى عليهم
وجاوب الحظ حسن على اسئلته وقاله انت هتبقى محظوظ جدا
خرج حسن مبسوط من عند الحظ
وراح على الملك وقاله انه قابل الحظ فساله الملك ليه الشعب مبيحبنيش
رد حسن وقاله لانهم عارفين انك ملكة مش ملك
والشعب موافق انك تحكمى البلد بس على طبيعتك من غير ماتعملى نفسك ملك
فقلعت الملكة ملابس الملك وقلعت التاج
وعرضت على حسن يبقى فى البلد ويمسك الحكم معاها
رفض حسن وقال لها انا هبقى محظوظ خلاص وهرجع بلدى وهشوف حياتى هناك
ومشى حسن
ووصل للفلاح
فساله الفلاح سالت الحظ ليه ارضى مش بتطلع ثمار
قاله حسن فى كنز تحت الارض طلع الكنز الاول وبعدين الارض هتطلع ثمار
فعرض الفلاح على حسن يدور على الكنز معاه ويقسم الكنز بالنصف بينهم
رفض حسن وقاله انت بتدور على كنز واحد
انا عندى كنوز كثير فى البلد هروح ادور عليها
واخيرا وصل حسن للاسد
فساله الاسد سالت الحظ انا ليه مش بشبع
قاله لازم تاكل واحد بيضيع فرص كثير علشان تشبع
فقاله الاسد طيب تعالى نفكر سوا
انت ضيعت ارض ابوك
ورفض تقاسم الملكة فى حكم البلاد
ورفض تقاسم الفلاح فى الكنز
يعنى انت مستهتر ومبتعرفش تاخد قرارات ايجابية
يبقى انت الشخص المقصود ولازم اكلك
خاف حسن وهحاول يهرب ويجرى
لكن خلاص فات الاوان
يارب القصة تكون عجبتكم
وياريت كل واحدة تقولى ايه الدرس اللى استفدته من القصة
انا استفدت ان عصفور فى الايد ولا عشرة على الشجر
يعنى كان فى ايده حكم البلاد وفى ايده الكنز لكن هو قرر لسه يدور على حاجة مش مضمونة واعتمد على الحظ مش العمل
مستنية رايكم فى القصة والدروس المستفادة
ولو عجبتكم متنسوش التقيم
المزاج
» دليلك لمنتجات العناية بالطفل على ويلنس سوق
» افضل فنادق مكة والمدينة
» دليلك لمنتجات العناية بالطفل على ويلنس سوق
» موسم الحج والعمرة وحجز فنادق
» موسم الحج والعمرة وحجز فنادق
» حجوزات فنادق مكة والمدينة
» موسم الحج والعمرة وحجز فنادق
» منتجات كيو في على ويلنس سوق: الحل الكامل لجميع احتياجات العناية بالبشرة
» حجز فنادق مكة والمدينة