عاوزه ادردش شويه معاكم

بصي ياريري هنا بيبقي في اختلاف لانها بترجع لشخصية الراجل ذات نفسه يعني ممكن كون راجل مبيقدرش وممكن يكون راجل من اقل شىء يتبسط بس لاشك في ان الراجل بيحب ان مراته توفر علشان بيحس وقتها ان قلبها عليه وفي نفس الوقت الراجل مبيحبش الزوجة تطلب لا هو الي يحس بمطالبها من غير متقول ويجيبهالها وده طبعا مش عند الكل في راجل يحب مراته تطلب منه

بس في النهاية الرجالة كلها بتحب التوفير حتي لو هو مصرف بس يحب مراته تبقي موفره

وبيتهيالي الحب الي بينهم مبيتاثرش بالحاجات ديه لان ديه بتبقي حالات طارقة بس

و الله يا ريرى على حسب ظروف الراجل يعنى انا جوزى بيحبنى اوفر لما تكون الحالة مش اد كدة

بس لما بتكون الدنيا ماشية معاه نصرف براحتنا و اشترى اللى انا عايزاه و اكيد هيحبنى لما يبئى حاسس انى حاسة بظروفه بيتهيألى ان ده طبع كل الرجالة ما عدا البخيل هو اللى بيبئى معاه و مبيدفعش و يموت فى التوفير زى عينه

والله ياريرى الستات دائما بتبقى شاطرة فى التوفير اكثر من الراجل
يعنى انتى لو ماسكة المصروف ممكن تلفى السوق كله علشان تجيبى من ارخص واحد وتوفرى
لكن الراجل طبعا مش كده اول واحد بيقابله بيجيب
ودى حاجة حلوة
بس المهم ان التوفير ميتقلبش لبخل

والراجب طبعا بيفرح بالست اللى بتوفر ويتدخر وفى الاخر التوفير بيعود عليكى وعلى ولادك
يعنى لو وفرتى 30 جنيه الشهر ده والشهر اللى بعده 50 ممكن تشترى بنطلوب لابنك او بلوزة ليكى وكده يعنى

الرجالة بتحب الست اللى بتوفر لانها بتبقى شاطرة فى نظارهم وحتى لو معترفش بده ممكن يقولك عادى كل الستات كده لكن من جواه حاجة كويسة طبعا ان مراته موفرة ومدبرة
ومعتقدتش الحب بيقلب من الصرف ممكن يضايق شوية من الاصراف الكثير لكن لامعتقدتش ان الحب يقل

انا رأيى ان خير الامور الوسط يعنى الوسطية ان ابقى محايدة اجيب متطلبتنا ونفس الوقت ادخر محدش يعرف بكرة فى اية ولما بتحصل ظروف ويلاقى مراتة موفرة لية مينبسط قوى وبيعرف قيمتها واكيد اى راجل لما الظروف بتتحسن معاة بيفرجها على بيتة من غير ما تقولوبيعرف مراتة عايزة اية ويحققهولها وهو فى الاخر كلة ليها ولاولادها