خايفة من ظلم حبيبى

انا مش عارفة اعمل ايه كل ذنبى ان اهلى ناس دقة قديمة قوووووووووووووووى وريفين دوه ظلمنى وجنى عنيا قوى لان الناس اللى زي اهلى بيكون لها عواد وتقاليد غيركم هنا فى مصر
بيكون ممنوع البنات تحط المكياج وممنوع تروح تزور صحابها او تخرج معاهم وكمان التعليم لحد الدبلوم وفوق كل ده البنات ملهاش تختار العريس هما بيعملوا اللى شايفينه صالح من نظرهم وانا بحب شخص وخايفة يرفضوا وخايفة اكثر لانى نفسى امشى من البيت ده واتجوز واحد متعلم و بفهم ان الست لها حقوق ومش بس مخلوقة علشان تدبخ وتغسل وتكنس اهم شى يكون متفاهم ومعدتش قادرة استحمل اعيش هنا بالخصوص بعد ماخلصت الدبلوم يعنى هتحبس للابد لحد مايجى واد الحلال ويتجوزنى وانا معودتش قادرة اتحمل الحبسة فى البيت وانى لااروح لاصحابى ولااهلى وبتمنى امشى من البيت فى اسرع وقت واتجوز وخايفة خوفى ده يخلينى اوافق على اى عريس علشان اخلص من هنا وابقى اكديه ظلمت حبيبى
قولوا لى اعمل ايه وانا معدتش قادرة اتحمل الحبسة والخدمة فى البيت من غير لاكلمة حلوة ولا خروجة اتهوى قيها اعمل ايه عاد

بصى يا قمر

ان الله مع الصابرين اذا صبروا

و ده ظلم و ربنا مع المظلوم

انتى مفيش قدامك غير حلين الاول انك تحاولى تتفاهمى مع اهلك و تبينلهم انك مضرورة من الوضع ده و انه كدة بيأذيكى لو فكر يجوزك واحد انتى مش مقتنعة بيه او بحبسك فى البيت و فهميه انه مش هيكون فرحان و انتى راجعة مطلقة و فى ايدك عيالك طبعا كل ده براحة و بالذوق

الحل التانى بئة لو مستجبش انتى تطفشى العريس اللى انتى مش مرتحاله لحد ما يجى العريس المناسب



بس عايزة اسألك سؤال هو ليه حبيبك مجاش يتقدم لحد دلوقتى و اوعى تقوليلى ظروفه

و ربنا معاكى ان شاء الله

فعلا هى ظروف من بعد الثورة والحال بقى واقف ومفيش شغل ولا فلوس وصاحب الشغل مشى كثير من شغالين عنده وهو منهم ولسه خالى شغل وبيدور على حاجة

فعلا بعد الثورة الحال بئة وحش على الكل

ان شاء الله يلاقى شغل فى وظايف خالية بتيجى فى التلفزيزن اللى هو الاعلان بتاع لو بتحب مصر لازم تشتغل عرفاه؟

خليه يكلمهم

و ان شاء الله يا حبيبتى ربنا يفتحلك الابواب المتئفلة

متخفيش يا عسل انا بحميكى ههههههه متزعليش مني

و الله انتى سكر يا لميس

ربنا يوفك ياحبيبتي يارب ويعملك الي فيه الخير

ربي يكون معاكي وان شاء الله تلاقي حل يسعدك ويسعد اهلك وحبيبك

ربنا معاكى يا قمر ويعملك اللى فية الخير يارب
الجئى الى ربنا وهو عندة الحل
ومن يتق الله يجعل لة مخرجا.