ايه هى شخصية جوزك أو خطيبك وعيوبها ومميزاتها

صباح الفل يا زهرات
تعالوا ندردش شوية كالعادة بس المرة دى الدردشة والنصائح هتبقى من حيث نوع الشخصيات
والمطلوب منك كل واحدة تقول نوع شخصيته جوزها او خطيبها ايه
يعنى رغاى -كداب-عصبى-عندى-رومانسى-متقلب المزاج -...........الخ
وتقول اهم اللى بيميز الشخصية دى ايه من العيوب والمميزات


وايه طرق الحلول اللى بتنفع مع الشخصية دى واللى مش بتنفع وبتقلب الضدد
يلا قولوا من غير بخل فى الكلام خلينا نفيد بعض

انا جوزى طيب وقلبه صافى دى شخصية جوزى شخصية كويسة
المميزات
الصدق طيبةالقلب التسامح على نياته


عيوبه كلامه ناشف شوية مش بيقول كلام حب كثير و لما بيضايق بيقول كلام زى الزفت



طرق التعامل معاه السياسة وطولة البال اما العند او العصبية بيوصلنا لطريق سد

يلا بقى مستنياكم

ازيك ياحبيتى وايه الحلاويات دى
بصى ياستى انا جوزى زى اى جوز
ووميزاته برضه العادية زى كل الرجالة اما العيوب بقى الاستهتار وتكبير الدماغ
بيكبر وينفض كثير وبيستهتر كثير كثير طبعا انا بتنقط واتشل منه وهو ولا على باله مش بيبقى حاسس انه بينقطنى ولا كانه عمل حاجة

انا بقى بعانى من عصبيتة الزايدة وان انا تقريبا بنسبة لة غبية مع العلم ان شهادتى كويسة جدا ومش اى حد يفلح فيها بس حعمل اية تقريبا كلهم طباعهم واحدة واللى تقول جوزى ملاك ومفهوش عيوب اكيد بتكذب اما الحل معاة اكيد تكبير الدماغ عشان الواحدة تعيش

جنى كتب:انا بقى بعانى من عصبيتة الزايدة وان انا تقريبا بنسبة لة غبية مع العلم ان شهادتى كويسة جدا ومش اى حد يفلح فيها بس حعمل اية تقريبا كلهم طباعهم واحدة واللى تقول جوزى ملاك ومفهوش عيوب اكيد بتكذب اما الحل معاة اكيد تكبير الدماغ عشان الواحدة تعيش

بصى ياجنى جوزك ميقصدش غبية يعنى انك مش بتفهمى لا ياقمرهو يقصد مش بتفهميه هو يعنى مش بتعرفى هو عاوز ايه ولا اهتمالماته ايه
بختصار جوزك عاوزك تعملى اللى هو عاوزه من غير مايطلب منك
اقولك ليه لان انا جوزى كده هو متعلم وذكى بس انا بقول عليه انه غبى لكن هو مش غبى هو بس مش بيفهم احتياجاتى بالرغم من انه بيحس بكل معنى لتصرفاتى
جوزك من الاخر عاوز اهتمام منك انتى ومن غير ماهو اللى يقولك

الله الموضوع حلو اوى
انا جوزى بئة اطيب واحد شفته فى حياتى وقلبه ابيض اوى ورومانسى جدا وبيقولى كلام حلو ومخلص جدا وكل حاجة
بس عيبه انه بيكركب الشقة كأنى عايشة مع بيبى مع انه بيقف معايا فى المطبخ
وكمان لما بنروح مكان لازم اكون جنبه مينفعش اروح حتة واسيبه

جميل ماشاء الله يادودو وياستى لو بيكركب هو بيساعدك فى المطبخ يعنى خالصين
المهم الحب والطيبة والرضااااااااااااااااااااااااا دول لوموجودين بالدنيا ومافيها

عندك حق والله يا بسبوسة فعلا دول اهم تلات حجات

ربنا يخليهولك يا رب يا دودو ويا حبيبتى هو مميزاتة اكتر من عيوبة فحمدى ربنا وحطية جوة عنيكى اما على الكركبة فزى ما بسبوسة قالت مهو بيقف معاكى فى المطبخ واحدة قصاد واحدة وربنا يخليكوا للبعض

ميرسى يا جنى وانتى كمان ربنا يخليلك جوزك ويسعدكو دايما مع بعض