عاجل الى كل الحريم اجمعوا فورا

موضوعك جامد يا بسبوسة ويشرفنى اكون اول واحدة ارد عليه وجارى التقيم يا قمر

الاول نبدا بالعيوب
العيوب دى لو اكتشفتيها فى فترة الخطوبة اوعى تكملى مهما كنتى بتحبيه
البخل والكدب والعين الزايغة والادمان وحب الامتلاك
ونصيحة لكل البنات اللى لسة متجوزتش عيشى فى فترة الخطوبة على طبيعتك خالص عشان بعد الجواز ميقولش مش هى دى اللى حبتها واتجوزتها ومتحاوليش ترسمى دور الرقة ده اللى زيادة عن اللزوم

فعلا موضوع حيوى قوى يابسبوس
من راى اصعب عيوب البخل والكدب والخيانة

نصيحتى للبنات
اوعى تلاقى انسان كويس وطيب وتحاولى تغيرى فى شخصيته يعنى متعلقيش على الفاظه طالما مخرجتش عن حدود الادب عشان اول ماهيتغير هيتغير عليكى انتى ومش هتعرفى ترجعيه تانى
وكمان لما تلاقى شخص طيب متحاوليش تقسى عليه او تستغلى حبه فى عنادك وتصميم ارائك لانك بتعلميه منك وانتى مش حاسة وهيجى عليه وقت يبقى صورة منك ويمكن اصعب كمان
فحاولى دائما تتعاملى معاه زى ماتحبى انه يعاملك ولو هتعلميه او تغيرى فيه علميه الحنية الطيبة وحسن المعاملة بلاش تعلمي العند او القسوة والخصام

بجد تسلمى يا بسبوسة الموضوع جامد جدا ويسعدنى انى اكون معاكى العيوب هى البخل والعصبية الزايدة وعدم تحمل المسؤلية اما نصيحتى لكل واحدة متزوجة عدم الرد اثناء عصبية الرجل او الخروج من الغرفة اثناء المشكلة لالنها بتعبرلة بكدة بعدم الاهتمام وصدقينى لو مردتيش وسكتى حيجى هو بعديها بشوية وهيعتزرلك واوعى تفكرى ان عدم الرد ضعف با العكس دا انتى بتحترمى نفسك وهو بيعرف اد اية انك انسنة محترمة وحيقولك كدة

بجد يابسبوسه موضوع جامد تسلمى وفعلا كل العيوب اللى البنانيت قولها هى الغالبه وبرده المزايا