هتختاروا مين للرئاسة القادمة؟؟

انا صوتت لعمرو موسى
بس احمد زويل مينفعش يبقى ريس عشان معاه الجنسية الامريكية

سلام عليكم
ان شاء الله فى الترشيحات القادمة صوتى هقدمه لشخص يستحق اما الاسماء المذكوره فى الاعلى انا رافضة تماما ايمن نور والبرادعى واحمد زويل
وباذن الله هختار انسان يكون مشهود له بالكفاءة

تنحى الرئيس كان حلو عشان محدش من بره يدخل فى امورنا
لكن زعلت عليه برضه حسيته انكسر
ولو هختار
مش هختار ايمن نور ولاالبرادعى لانه عملاء للامريكان
وبرضه مش هختار زويل لانه معاه الجنسية الامريكية
ممكن عمر سليمان
او حد من القوات المسلحة

السلام عليكم ورحمة الله
والله ياعين خطاب الرئيس اثر فى نفسى جدا
اثر فيا سنين فى ظل رجل حكمة وسلام
اثر فى نفسى انكسار رجل انتصر على الحرب
اثر فى نفسى الخوف من القادم
وبالنسبة لاختيارى
بكل تاكيد برفض البرادعى وايمن نور وعمرو خالد و احمد زويل وبرقض طبعا جامعة الاخوان المسلمين
ومش هدى صوتى الى شخص الا بعد التاكد من سلامة سيرته الذاتيه وبعوده كل البعد عن اى شبهه او سمعة سيئة
والله المستعان 

انا لسه مقررتش صحيح بسمع ان عمرو موسى كويس لكن الله اعلم طبعا

اولا تنحي الريس انا زعلت ان هوه مشي بالاسلوب ده انا كنت عوزاه يمشي بس مش كدا
ثانياالله اعلم الان شعبنا ده بيضحك عليه اي حد هيقول ان ده كويس مثلا هيرحو ينتخبو وخلاص
ثالثا انا مقدرش اختار حد الان لازم اما اختار اكون امينه في اختياري وانا بصراحه معرفش حد فيهم

مش مهم مين اللى يمسك ولا هو تبع حزب ايه؟؟
لكن المهم انه يكون شخص امين يؤتمن على مصر وشعبها
لكن الحقيقة مقررتش لحد دلوقتى ممكن اختار مين
لانى معرفش عمرو موسى ولا عمر سليمان كويس
اما الموكد انى برفض اختيار البرادعى او ايمن نور