خايقة من مطاردة الماضى

انا كنت عايشة حياتى بطريقة غلط
ودفعت ثمن غلطى ده بس انا بقيت ماشية كويس لكن دائما خايفة من بكرة وعايشة فى الم المستقبل خايفة احب او اتجوز حد يطلع قريب حد من الناس اللى عارفين الماضى السىء بتاعى مش عارفة ليه خايفة من بكرة قوى كده حتى بقيت خايفة احلم وفقدت الامل فى ان بكرة يبقى احلى
حاسة انى مش هفرح وهعيش بتعذب على طول بموت كل ماافتكر حياتى الىف اتت وبموت تانى لما ضاعت احلامى وخسرت الانسان اللى حبنى بعد ماعرف حقيقتى وبموت اكثر لما افكر فى بكرة وان ممكن الماضى ينكشف من جديد
بقيت خايفة من كل حاجة حوليا ومش عارفة اعمل ايه ولااهرب فين
تفتكروا ايه الحل اعيش بره البلد كلها ولا اعيش منعزلة ولا اعمل ايه
بقيت عايشة بشك فى كل حاجة لو حد اتغير معايا احسن انه عرف عنى حاجة وحشة وكل كلمة باخدها بحساسية كل مشهد بشوفه فى التليفزيون او حوار بين اى اتنين باخده على نفسى واحس ان الناس بتبص لى بصة وحشة قوى
انا منهارة نفسية وحاسة انى مكسورة