فين رحمة ربنا

طيب ياحبيتى انتى قدمتى ايه لربنا علشان ربنا يرحمك ويسعدك بحياتك؟؟؟

دلوعة كتب:طيب ياحبيتى انتى قدمتى ايه لربنا علشان ربنا يرحمك ويسعدك بحياتك؟؟؟

هقدم ايه هو انا عندى فرص اقدم حاجة
من يوم ماوعيت وانا عمالة اخد على دماغى من الدنيا كلها من وانا عيلة لسه بنت 9 سنين وانا حاسة انى يتيمة الام وهى جمبى ومعايا فى بيت واحد مبحسش لا بحبها ولا بامومتها وكذلك اب قاسى ميهموش الا مصلحته وبس ومن وعمرى لسه 16 سنة وبقابل قى حياتى ناس كدابين وصحاب غشاشين والكل عمال يكسر فى قلبى ويضحك عليا ويمشى هو مش ربنا كاتب لنا كل حاجة فى حياتنا حطهم فى طريقى ليه الا عشان يعذبنى ومن وانا لسه 18 سنة وجالى المرض عملت ايه فى دنيتى عشان يجيلى المرض واتحرم من ابسط حق ليا هو التمتع بشبابى زى اى واحدة فى سنى وعملت ايه تانى لما ليل نهار ادعيله بدموعى وبتوسل عشان يرحمنى وهو مبيرحمنيش ثواب ايه بقى اللى الواحد بياخده طول ماعنده مصايب يعنى ربنا جابنا فى الدنيا عشان يدينا مصائب ونتحملها وفى الاخر يدخلنا الجنة لما نتحمل ونعيش المصايب لكن لو موتنا نفسنا وارتحنا يبقى كده كفرنا ونولع فى نار جهنم
هو ده العدل انا اتخنقت ومش عاوزة اعيش كده يااموت يااعيش مرتاحة لكن ايه النيلة اللى انا فيها دى
دعاء وليل نهار بندعى من جوه قلوبنا وبدموع عنينا نعمل ايه تانى بقالنا سنين بندعى زهقت بقى
مش ممكن يبقى كل ده علشان مش بصلى مافى غير كثير مبيصلوش ومفهومش اللى فيا ده ولو كنت بصلى يعنى كان هيغر ابويا وامى ويدينى راجل عادل وحنين وام تحبنى بجد
ماهما هما هيفضلوا زى ماهما ومش هيتغيروا
مش فاهمة ليه اللى بيحصل ده

واضح انك زعلانة قوى ووصلتى لدرجة الياس من رحمة الله سبحانه وتعالى
حاولى تهدى شوية او على الاقل متتكلميش عن ربنا دلوقتى علشان متغلطيش
فَلا تَكُنْ مِنَ الْقَانِطِينَ



ربنا يييسر لك الاحوال ويزيل كربك

استغفرى اللة يا حبيبتى مش ممكن صبرك دة هو اللى يدخلك الجنة واوعى تفكرى انك لوحدك عندك مصائب الدنيا مليانة امر من كدة بس الفرق بيحمدوا ربنا وبيدعوا ان ربنا يكتبهم من الصابرين اوعى تيأسى من رحمة اللة دا كلنا بندعى ان ربنا يتوفانا وهو راضى عنا

جنى كتب:استغفرى اللة يا حبيبتى مش ممكن صبرك دة هو اللى يدخلك الجنة واوعى تفكرى انك لوحدك عندك مصائب الدنيا مليانة امر من كدة بس الفرق بيحمدوا ربنا وبيدعوا ان ربنا يكتبهم من الصابرين اوعى تيأسى من رحمة اللة دا كلنا بندعى ان ربنا يتوفانا وهو راضى عنا

ماانا صبرت بقالى كام سنة صابرة بقالى سنين كثير وحمدت ربنا وكل مصيبة اقول معلش الحمد لله عوض عليا يارب اخلف عليا يارب ومفيش فائدةة انا كل يوم بدعى ربنا بدموع عنيا ليه محسش بيا ومصعبتش عليه كل السنين ده ليه مرتحش شوية من الهم والنكد المتواصل ده

ربنا ميديش رحمته غير للى يستاهلها
واللى يستاهلها ده بيطلب الرحمة بالادب و لو كل يوم او كل دقيقة او كل ثانية هتلاقى رحمته فى القرأن
ايئى اسمعى اذاعة القران على طول وسبحى كتير وصلى اكتر على الاقل هتلاقى رحمة ربنا فى الثلاث حجات دول

برافو عليكى يادودو وكمان ياحبيتى بلاش تملى اصبرى واتفائلى خير وخلى املك فى ربنا كبير

شكرا ليكم انا غلطانة فى طريقتى بس كنت تعبانة قوى وياسة من الحياة وفى لحظة ضعف غلطت
استغفرك يارب العالمين
استغفر الله العيم
استغفر الله العظيم
استغفر الله العظيم
اللهم لا اله الا انت سبحانك انى كنت من الظالمين
اللهم لااله الا انت سبحانك انى كنت من الظاليمن
اللهم لااله الا انت سبحانك انى كنت من الظالمين